Xa tocaba actualizar, hoxe vou falar de algo intrigante canto menos. Dun lugar que me gostaría visitar e que vin vai pouco nunha reportaxe da TVG, trátase de Finisterre que ,como o seu nome indica, quere dicir "onde a terra remata".
Alí atópase o cabo Fisterra, a última extensión de terra en vistas ao oceáno Atlántico, a máis saínte lo litoral Europeo e atópase en Galicia, concretamente na provincia da Coruña. Como xa dixen, considéroo un lugar interesante de visitar, pensade a cantidade de xente que viña a nosa terra a visitar este lugar máxico para sentir a inmensidade do océano e coñecer un lugar onde o tempo se detén e o espacio expándese cara o infinito, o eterno. Que menos hai que dicir do considerado "Fin do mundo", un lugar onde non existe horizonte, un espacio para a plenitude sensorial, onde as grandes preguntas que todo ser humano se fai algunha vez na vida teñen a súa resposta alén da terra, adentrándose no descoñecido, unha aventura chea de fantasía.
E así era antes de que un coñecido aventureiro do descoñecido quixese irrumpir nesas augas virxes para iluminar ao vello continente co descobremento do chamado "Novo Mundo". Cristobal Colón en efecto quixo chegar onde ningún outro se atreveu antes e conbertiuse grazas a iso nun dos personaxes máis representativos da historia.
Voltando ao tema inicial, antes de que Colón descobrese o continente americano, milleiros de persoas chegaban por mutitude de camiños a unha das rutas máis antigas que se coñecen, incluso antes da existencia do Camiño de Santiago, hai quen di que na época dos celtas, xa había peregrinacións a este lugar considerado de culto polos castrexos que poblaban a nosa terra. Incluso xa establecido o camiño a Compostela, hai constanza de rutas antigas que consideraban á capital de Galicia a penúltima parada, pois a derradeira estaba ao final de todo o coñecido, o cabo do mundo.
